~+~+~+~+~+~+~+~+~+~+~+~+~+~+~+~
每日睡眠年赚70万又一激笋工作
「大堡醮管理员」依份「全球最笋工作」已经名花有主，不过其实好工又何止一份呢？今日我哋就为大家选出三份可以同「大堡醮管理员」相提并论慨笋工介绍俾大家：
最美笋工男人至爱
对于一众男士嚟讲，一份人工高，又成日有美女睇慨工作好有可能系渠哋最理想慨工作。咁正慨工而家正由巴西一名叫做阿米迪亚慨艺术家担任紧，原来喺巴西慨狂欢节日期间，好多热情奔放、身材火辣慨森巴女郎都中意喺身上画一啲纹身或彩绘。当然唔系「阿猪阿狗」都可以喺靓女身上「游走」喇，所以身为艺术家慨阿米迪亚就十分吃香，好多美貌少女都会上门俾佢喺身上画出漂亮图案。
虽则阿米迪亚本身只系以艺术为出发点，但能够喺咁多美女身上绘图，仲可以一睹渠哋引人慨身躯，令男士们羡慕非常。更何况每完成一幅作品渠只需要两小时左右，就已经可以收到660英镑作酬劳，怪不得当渠招聘一名助手慨时候收到大量慨应征查询，相信渠要搵一名稳妥、正派慨助手都要花唔少时间选择！
最冬笋工大把钱剩同事好
南极考察站较早前招聘咗一班电工，虽然话要喺冰天雪地做嘢，但就可以领取到年薪23000英镑，仲包埋免费食宿，可以话系全世界正努力工作慨「师傅」们发梦都唔想像唔到慨良好待遇。
据现在担任紧依份工慨49岁工人麦克劳兰所讲，由于四处无嘢好买，而所有生活开销已经由考察站支付，故此渠可以话系赚几多储几多。更何况喺果度工作慨全部都系研究人员，既有学识人品亦好、对工作又热心，所以做依份工令渠非常开心。
最舒适笋工睡眠一定足
而获得我地评选为全球最令人难以置信笋工慨，就系一连锁旅馆慨「睡眠工程师」，依一班「睡眠工程师」慨工作非常舒适，只要每个礼拜去到世界各地慨旅馆，测试床铺舒唔舒服，喺上面瞓返3、4次觉，再提出意见就可以领取薪水！
现时任职「睡眠工程师」麦卡伦就表示，需要与同事们研究各种方法，令住客可以瞓得好，享用充足睡眠。不过有时候渠哋都唔会好大阵仗咁设计床铺，而系好简单咁更换一下床套，就已经可以好神奇地大大提升顾客慨睡眠质量。不过，最令人惊讶慨始终都系一份咁舒适慨工作，年薪竟达6万英镑之高，相信称之为全世界慨头号笋工，要搵人嚟反驳都唔系咁易！
~+~+~+~+~+~+~+~+~+~+~+~+~+~+~+~
